2023-cü il 16 yanvar tarixində Qardaş Türkiyə Respublikasının Aktau şəhərindəki baş konsulu cənab Sabri Alptekin Azərbaycan Respublikasının Aktau şəhərindəki Baş konsulluğunu ziyarət edərək, Baş Konsulluğun əməkdaşları və Azərbaycanlı iş adamları ilə məhsuldar görüş keçirilmişdir.
2023-cü il 16 yanvar tarixində Qardaş Türkiyənin Aktau şəhərindəki baş konsulu cənab Sabri Alptekin Azərbaycan Respublikasının Aktau şəhərindəki Baş konsulluğunu ziyarət etmiş və Baş konsulluğun əməkdaşları, Azərbaycanlı iş adamları ilə məhsuldar görüş keçirilmişdir. Görüşdə tədbir iştirakçıları arasında iqtisadi, humanitar, mədəniyyət sahəsində 2 tərəfli, 3 tərəfli (Azərbaycan-Türkiyə-Qazaxıstan) əməkdaşlıq perspektivləri ətrafında fikir mübadiləsi aparılmış və ölkələrimizə sərmayə yatırımlarının təşviqi, qorunması, birgə iqtisadi layihələrin həyata keçirilməsi, bölgələrdə Azərbaycan Türkiyə iş adamları birliyinin formalaşdırılması, Türk dilli ölkələrin müxtəlif sahələr üzrə biznes forumlarının Aktau şəhərində keçirilməsi imkanları, eləcə də iş adamlarının qarşılaşdığları çətinliklər, onların həlli yolları və bu istiqamətdə Baş Konsulluqlarımızla əlaqəli şəkildə birgə fəaliyyət məsələləri müzakirə edilmişdir. Bununla əlaqədar, qardaş Türkiyə Respublikasının Aktau şəhərindəki Baş konsulu cənab Sabri Alptekinə dərin minnətdarlığımızı bildiririk.