2023-cü ilin 23 fevral tarixində Baş Konsulluğun başçısı v.i.e Elçin Məmmədovun Aktöbe vilayətinin akimi (qubernatoru) cənab Yeralı Tokjanovla nəzakət görüşü keçirilmişdir.
2023-cü ilin 23 fevral tarixində Aktöbe vilayətinin akimi (qubernatoru) cənab Yeralı Tokjanovla nəzakət görüşü keçirilmişdir. Görüş zamanı iki ölkə arasında yüksək səviyyəli əlaqələr, dövlət və hökumət başçılarının qarşılıqlı səfərləri, mövcud olan müqavilə hüquq bazası, ildən ilə artan ticarət dövriyyəsi, eləcə də xalqlarımız arasında tarixi dostluq əlaqələri barədə danışılmışdır. Sonra regional ticari-iqtisadi, mədəni, humanitar əlaqələrin daha da inkişaf etdirilməsinin zəruriliyi bildirilmiş və bu istiqamətdə birgə tədbirlərin, bölgə rəhbərlərinin qarşılıqlı səfərlərinin, müxtəlif sahələr üzrə təcrübə mübadiləsinin eləcə də mədəni, elmi layihələrin həyata keçirilməsinin vacibliyi vurğunlanmışdır. Bununla yanaşı, Ulu Öndər Heydər Əliyevin 100 illik yubileyi çərçivəsində il ərzində Baş Konsulluq tərəfindən həyata keçiriləcək tədbirlər barədə qarşı tərəfə ətraflı məlumat verilmişdir.
